وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[واسلاماة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

السلام عليكم
المسلسل رااااااااااااائع جدا
وكمان لانه بيذكرني بايام المظاهرات الرائعه دي بكل ما حدث فيها
وحقيقى ربنا يجزيكم خييييييييييييير
ويوفقكم لما يحب ويرضى

[جوا الجووون يا شباب مصــر]

الحلقة الرابعة

(( بسم الله الرحمن الرحيم ))
~~~~~~~~~~~~~~~
الحلقة الرابعة

كنا توقفنا عند بكاء زينب أم معاذ أخت عمر
طيب قبل ما نقول زينب مالها
نتعرف الأول على طبيعة حياتها وزوجها وابنها .
هي متوسطة كباقي العوام ومشكلتها إنها نكدية شوية وبتحب أوى العياط وتنكد على زوجها من حين لآخر .
وزوجها اسمه هشام ملتزم إلى حدٍ ما وبيحب الشيوخ وبيسعى لزيادة تعلم الدين بتشعب وهو طبيب .
وعندهم ابن صغنون لسه عنده 3 سنين اسمه " معاذ " .

نرجع لسبب عياطها
واترمت في حضن والدتها
ووالدتها أصلا مش ناقصة هي جاية مستوية جاهزة ...
ماما : في إيه مالك يا زييينب ؟
زينب وعياط : هشام يا ماما مجنني عايز يروح الميدان والمظاهرات مع الناس .
ماما : اممممممم برده زي البيه اللي واقف دا , هم اتجننتوا دول ولا إيه ؟
عمر دخل لهشام يسلم عليه
_كان بقاله فترة مش شافه
أول ما دخل عليه اتخض منه _
إيه دا يا عم انت ربيت دقنك !!!!!! أتاري البُنية عمالة تعيط ومرعوبة منك .
هشام : إيه يا واد انت , انت فقر كدة على طول , مش تسلم على زوج أختك اللي بقالك كتير مش شوفته .
عمر : وأنا هسلم عليك ازاي بقى من العو اللي ف دقنك دي ؟؟
هشام :عو !! طب استني كدة أما أدقلك كام مسمار فيها عشان وانت بتسلم يقوموا بالواجب هههههه تعالى يا واد هات حضن يلا .
عمرو بيسلم عليه وخايف : الله يكون في عون معاذ تلاقيه بقي يترعب منك .
وهو بيتكلم عنه صحي علطوووووول الأستاذ معاذ
ولا يعبّر عمر راح على أبوه "باااااابا حبيبي ويترمي في حضنه .
هشام بيبص لعمر وبيفرسه : شايف الولد بيموت في أبوه ازاي ! وبيحب دقن بابا كمان صح يا مومو !
يروح شادد دقن بابا وعمر يضحححححححححك
وهم بيضحكوا : سمعوا حالة الحزن اللي في الصالة .
خرج هشام يسلم علي حماته : ازيك يا ماما وحشانا إيه الغيبة دي , يعني انتي بتيجي مع المظاهرات , كنتي قوليلي أعملك مظاهرة من زمان عشان تيجي ههههههه يلا اضحكوا بقي بطلوا شؤم من أولها وقولي لبنتك بالذات يا ماما لاحسن أنا جبت آخري منها .
ماما : هشام قولّي هنا انت نازل بجد ولا إيه ؟
هشام : يا ماما يا حبيبتي مش نازل بالمعنى يعني أنا هشوف بس إيه اللي بيحصل في الدنيا وليه وقفوا النت والموبايل والأعمال اتعطلت وأنا قافل العيادة دلوقت ومتعطل وطبعا القنوات الدينية كلها مقفولة مفيش إلا الأخبار الفقر اللي بنسمعها من القناة الأولى اللي بتكدب علينا , فأنا نازل بس أشوف في إيه ؟ وإيه الحقيقة ؟ وجاي تاني بإذن الله .
عمر اقتنع بالكلام : طب أنا جاي معاك يا باشا .
ماما تصوت : بس بقققققققققققى مفيش خروج لا ليك ولا له ,
ويسمعوا أصوات ضرب نااااااااار
والدنيا بقت بالليل
والرعب بيزيد بالليل
يسمعوا في التليفزيون حرق جميع السجون وأقسام الشرطة وخروووووج كل المسجونين والمسجلين الخطر في الشوارع .

والبلطجية شغالين تخريب في البلد
وسرقة ونهب وحرق وتكسير .
ورعب الناس .
وبيطلعوا علي الناس في البيوت .

ومفيييييييييش أي ظابط شرطة يوحد ربنا
وأقسام البوليس كلها اتحرقت .

دا كدة الوضع في البلاد

طيب ميدان التحرير أخباره إيه ؟؟
الشرطة اتخلت عن الشعب وخانته واتخلت عن وظيتفها وهي المفروض مصدر الأمن الداخلي للبلاد أصبحت العكس مصدر الرعب الداخلي بل والقتل نعم تقتل الشعب تقتل المتظاهرين ,
وسربت البلطجية بتوعها على المتظاهرين في الميدان ليقتلوا فيهم ويذبحوا فيهم ووووووو .
_ ولكن هذا لا يُعني أن كل رجال الشرطة خوَنة وتخلوا
عن بلدهم لالالالالالا هناك منهم الشرفاء الأوفياء _

الجيش بدأ يتجه للميدان أعداداً أعداداً وبيأتي بكل معداته وكأن البلد في حررررررررب فعلية .
والدبابات ملت الميدان وحوله .

طيب الجيش ايه موقفه تجاه المتظاهرين والشعب ؟؟؟؟؟

موقف الجيش المصري موقف بطولي وهذه عادته
وهي الوقوف بجانب أمه بلده حبيبته التي تستغيث به الآن بعد تخلي وخيانة أغلب رموز _ وليس كلها _الشرطة لها .

فوقف الجيش البطل يُحيط بالمتظاهرين يحميهم .

فالوضع الآن مخيف للغاية
البلطجية والمساجين انتشروا كالجراد في كل مكان , لم يتركوا أي مكان إلا وخربوا فيه .
وكل شوية الأخبار تتوالي
خروج مساجين سجن وادي النطرون
خروج مساجين المرج وابو زعبل
ووووووووووووو
يدخلوا على المحلات يكسروها ويسرقوا اللي فيها
يدخلوا البيوت وإثارة الرعب للمواطنين .

طيب مين هيحمي الناس وبيوتها من هؤلاء المخربين ؟؟؟؟
من يرد على السؤال دا ؟؟؟؟؟؟

صلوا على النبي الأول
اللي هيرد على السؤال
هم أسلحة الأمة
هم عواميد الأمة
هم قرة عين الأمة
هم الأبطال
هم الشجعان
هم شباب الأمة
أيوة شباب الأمة اللي الناس كلها بتقول عليهم دول تافهين – صايعين – ضايعين – بتوع القهاوي – بتوع التشات – بتوع اللعب – بتوع البنات – العاطلين – اللي ملهموش لازمة .
ولكن عن جد عذراً شباب الإسلام
سامحونا أنتم ضربتم أعظم مثال
إسلامي
فطري
مصري
وطني
رجولي
شجاعي
بطولي
للتاريخ المعاصر كله .
وقف الشباب تحت البيوت
ومعهم العصيان
والسكاكين
والمأشات
ووقفوا في عز البرد والثلج يحموا بلدهم وبيوتهم وممتلكاتهم ووقفوا أحسن من ألف عميد شرطة
يفتشوا ويسمحوا للمرور للسيارة دي ودي لأ
دا دول طلعوا بلطجية طيب نسلمهم لمين ومفيش شرطة ؟؟
طيب نربطهم بحبل لحد ما نتصرف , وبقوا ينظموا نفسهم
ويعملوا ورديات ونظام عمل ونظام تفتيش
وحاجة هايلة جدا .
كل دا بيُذاع في التلفاز
و

والأم منهارة هي وزينب : هنعمل إيه ؟؟؟؟؟؟
هشام : ربنا يسترها أنا لازم أنزل عشان أجيبلكوا الحاجات المطلوبة بسرعة باقي ساعتين علي حظر التجول .
زينب : يا هشام برده مصمم تنزل ؟
هشام : يا حبيبتي لازم أمال هتكلوا إيه مفيش أكل في البيت .
عمر : طب أنا جاي معاك .
هشام : لا يا عمر خليك انت هنا معاهم لازم يكون في راجل في البيت مش انت راجل برده ولا ايه ^_* .

ينزل هشام ويلاقي الدنيا مقلوبة في الشارع
يا ترى إيه الموضوع ؟
لقوا بلطجية اتهجموا على محل دهب ومعاهم أسلحة ومسكوهم مين اللي مسكهم ؟
الشرطة ؟
للأسف لالالالالا

طيب الجيش ؟
لا برده لأنه لسه مش وصل لجميع مناطق البلد
أمال مين ؟
شبابنا اللي كان قاعد على القهاوي وعلى النت وبيشرب سجاير
قام مثل الأسد وانقض على الفريسة التي تدمر البلد .

هشام يروح يشوف المنظر
_ وهو يحمل من الرجولة والشجاعة قدر لا بأس به _

ويقابل بعض الناس وهم ملتفون حول أحد المشايخ
ويجري عليهم ويدخل في الحوار بكل شغف : السلام عليكم .
أحدهم : وعليكم السلام ورحمة الله وبركاته ,
هشام : هو في إيه بيحصل يا جماعة في البلد حد عنده علم بأي حاجة ؟ ولا المظاهرات دي صح ولا غلط وحرام ولا حلال ونشارك فيها ولا لأ ؟؟؟؟ وهل هي خروج على الحاكم صحيح زي ما قريت في بعض الكتب ؟؟ بالله عليكوا جابوني .
ويرد عليه أحدهم ويقول له : قعد بس وأنت ها تسمع من الشيخ بنفسك هايقول إيه وبعون الله هاتفهم المسألة تماما
هشام : معلشي أصلي لسه ملتزم جديد وماعرفشي حاجة في الأمور دي
الأخ : وهو دا الصح يا ...
هو أنت اسمك ايه ؟؟
هشام يرد : هشام
الأخ : هو دا الصح يا هشام إنك في المسائل الكبيرة أو حتى الصغيرة ماتتصرفشي فيها من غير ما ترجع للعلماء الكبار اللي يفتوك بما يرضي الله
..........................
تعالوا معنا إخوتي الكرام لننتقل معا ومن أرض الواقع ومن ميدان التحرير ومشهد واقعي يجسد لنا حقيقة المسألة
تعالوا لنرى هذا المقطع
http://www.archive.org/download/s7e7addelmasod/s7e7addelmasod.flv

[FLV]http://www.archive.org/download/s7e7addelmasod/s7e7addelmasod.flv[/FLV]

وهم في المسجد يسمعوا صوت ضرب نار وناس بتجري وووووووووو .
فكله بيجري
فهشام بعد أما اطمأن قلبه إلي حد ما خرج من المسجد ليعود للبيت بسرعة وراح بسرعة اشتري بعض الحاجات ورجع علطول يطمن على أهله .

يلاقي كل الناس متجمعة تحت العمارة بالشوم والمأشات والعصي والسكاكين ويسلم عليهم ويوعدهم إنه نازلهم .

عمر يفتح لهشام ووشه مقلوب
والأم تقول : أنا عايزة أعرف دلوقت إيه اللي بيحصل ؟ فين رأي الشيوخ وعلماء الدين يااااااااااااربي ؟
_ ياااااه نفس سؤال هشام ودا أكيد نفس سؤال الكثير سواء متدين أو غير متدين لأن من المعروف الدين ورجاله هم من يطبّبون قلوب الناس كلها وينوّرها باليقين والطمأنينة _
هشام يرد عليها نفس رد الشيخ : ان المظاهرات دي تعتبر واجبة علي كل مسلم أن يُنكر المنكر باللسان وليس بالسلاح فكلما طال الظلم والطغيان وعدم إقامة حدود الله بل مسح ومحاربة كل ما يتعلق بالله وحدوده وإثارة الفتن فمن هنا وجب علينا إيقاف هذا بالمظاهرات السلمية,
وعلينا وعلي الصلاة والدعااااء
إن ربنا يرفع عنا ما نحن فيه .

واليوم 29 يناير
ومن أحداثه :
أذاع التلفزيون المصري عن خطاب للرئيس المصري حسني مبارك :

[FLV]


[/FLV]
[FLV]

http://www.archive.org/download/frist_687/frist.flv

[/FLV]

كانت ردة فعل المتظاهرين والمعارضة هي رفض البيان الرئاسي بل أعلنت الجمعية الوطنية للتغير لن ترضى
بأقل من رحيل الرئيس المصري.

ومن الآآآآآآآآآآآخر

محصلة يوم 29 يناير

* انتشار عصابات في كافة أحياء أنحاء مصر تقوم بأعمال النهب والسلب مع تجاهل تام

للشرطة المصرية بل ومع ادعائات بأن المحرض الأساسي للسرقة هم رجال الشرطة

* قام الرئيس حسني مبارك بتعيين عمر سليمان كنائب له وتكليف الفريق أحمد شفيق

كرئيس للوزاراء
* استمرار تدمير كثير من مقرات الحزب الوطني وأقسام الشرطة في جميع أنحاء مصر
* مواصلة قطع شبكات الإنترنت في مصر
* رفض المتظاهرين تعيين عمر سليمان كنائب للرئيس واستمرار الإحتجاجات
* جيش مصر يتحرك لسد الفراغ الأمني
* جملة الوفيات في أيام الغضب المصري تصعد إلى 102 قتيل, فيما بلغ عدد الجرحى
1500 مدني و1000 شرطي, ومن بين القتلى رئيس مباحث سجن الفيوم اللواء محمد البطران
وعدد من مساعديه.

فالناس جميعاً في حاااااااااااااااااالة رعب وفزع بشع
وهذه حالة أسرة عمر :

عمر : واقف تحت البيوت ماسك سكينة وشومة مع هشام والشباب اللي واقفة تحمي المنطقة من البلطجية ولكنه في حالة من الكبت البشع والحزن اللي أول مرة يعيشها في حياته الترفيهية الفاضية ,
فيتكلم مع هشام :

عمر : هشام أنا مش عارف أنا كويس ولا وحش , أنا مش عارف ربنا راضي عني ولا غضبان عليا من كتر اللي عملته , أنا مش عارف أنا كدة بعمل حاجة كويسة ولا الناس اللي في الميدان أحسن مني ؟

هشام : بص يا عمر مجرد كلامك دا يدل إنك كويس وكُلّك خير وحب للدين وللبلد دي انت وكل الشباب اللي واقفة دي , بجد اتصور يا عمر إني سعيد جدااا بالمنظر دا , بجد منظر رائع جداااا الشباب اللي كنا فاكرينهم ميئوس منهم واقفين واقفة رجالة بيحموا البلد , أنا متأكد إن ربنا راضي عن المشهد دا لإني افتكرت زمن الصحابة مع النبي صلى الله عليه وسلم لما كانوا بيضحّوا بنفسهم وبكل شيء في سبيل نصر وحماية الدين والمسلمين ,
وهشام بيتكلم بدأ الشباب يتلموا حواليه
لان كلامه جميل ولامس القلب وبيحسسهم بعظيم فعلهم وكبير قدرهم ,
فهشام يكمل كلامه :يعني تخيلوا كدة يا جماعة النبي صلي الله عليه وسلم _ ماتصلوا عليه يا حبيبنا يا رجالة _ عليه الصلاة والسلام _ لو كان شايفنا دلوقت مش كان هيبقي فرحان بينا ؟؟
الشباب بيفكروا : بس الواحد مليان ذنوب وبلاوي ومعاصي لله ورسوله .
هشام : كلنا معاصي وبلاوي ربنا يتوب علينا ولكن والله لو صدقنا النية لله إن بالعمل العظيم دا يتغفر لنا ذنوبنا ونبدأ صفحة جديدة والله ربنا هيصدُقنا أنا واثق من دا لإن الله سبحانه وتعالي بيقول في الحديث القدسي : أنا عند ظن عبدي بي ...
عمر : كلامك مُريح يا هشام الله يفتح عليك يا بخت اختي بيك :)
في هذه الأثناء تهجم عربية كبيرة مليانة ناس ماسكين مسدسات وجاية عليهم بسرعة البرق وبيضربوا نار في الهوا وبيصوتوا كل هدفهم إرعاب المواطنين ,

فالشجعان يقفوا لها بصدورهم وكانت هتدوسهم بالفعل ولكن من إصرارهم وكثرتهم وتوكلهم على الله
قدروا يسيطروا عليها
ومسكوا البلطجية المخربين
واتصلوا برقم الجيش المُظهر على القناة الأولى وبلغوهم
وبالفعل الجيش المغوار
بدأ يتجه ناحيتهم على الفور
ويبصوا يلاقوا حاجة جاية هناااااااك منورة كبيرة صوتها قوي جدااا طلعت إيه؟
دبابة عسكرية
أول ما الناس شافوها تنشرح صدورهم وأخذوا يصفقون ويصفقون
وأكبر تحية للجيش المصري الرائع ,
ويتم القبض على المخربين وهكذا في باقي المناطق نفس الأحوال ..
والأم وزينب واقفين ورا الستارة بيشاهدوا الموقف وقلبهم في رجليهم ,
وزينب تدخل تجهّز سندويتشات وشاي للأبطال اللي واقفين تحت مثلّت حالها بحال " أسماء بنت أبي بكر رضي الله عنها وعن أبيها " عندما كانت تُحضر الأكل للنبي صلي الله عليه وسلم وسيدنا أبي بكر .
وعمر يعزم على الرجالة كلها وحس بنوع غريب لم يحسه من قبل وهو
التعاون على الخير وحب الخير وحاسس إنه سعيد رغم الظروف دي ,
وما يصدق إن خدمة الاتصالات اشتغلت فيتصل بسرعة بطروقة ولكن يلاقي تيلفونه مغلق ,
طيب اتصل بسنسن نفس الكلام مغلق ,
طيب جو " يوسف " والحمد لله جررررررس :
يوسف _ مش وقته دلع _ : ألو
عمر : السلام عليكم يووووووووووسف !
يوسف : وعليكم السلاااااااام عمرررررررر فينك يابني؟
عمر : أنا عايش في الدنيا العجيبة دي , انتوا فين يا جو ؟ في الميدان ؟؟؟؟؟
جو : آه داحنا شفنا شوية أيااااااااااااام , ويسمع ضرب نااااار فيقفل الخط .
عمر : ألو ألو ألو جووووو انت فين بس ؟؟ ياربي أعمل ايه بس ؟
وقام مطلّع علبة السجاير
ولسه بيفتح الولاعة
لقي اللي بيشد السيجارة من فمه ,

يا تررررررررري مين ؟؟؟

هشام ؟

لالالالالالا مش هشام

خمنوا مين ؟؟؟

وإن غلب تفكيركم

ستعرفوا مين في الحلقة القادمة بإذن الله .

الفاكهة

نفسى أتوب!!
http://saaid.net/flash/nefsy-atoob.htm

والسلام عليكم ورحمة الله وبركاته

[عمر إسماعيل]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيراً ومتابعين معكم الباقي بإذن الله

[ام نور ورحمه]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اللى مسكها هو معاذ الصغنن .. صح؟؟؟؟؟

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

رائعـــــــــــــــــــــــــــــــة بكل ما تحمله الكلمة من المعنى...


بالانتظار... بارك الله فيكم وبأقلاكم.

[شمعة الايمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

رائع جداً
متابعة إن شاء الله

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جـــ الله ــــــــــــــــزاكم خيـــــــــ وفيــــــــــــــراً

بوركتم

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ما شاء الله اللهم بارك
الواحد بيسترجع هذه الايام التى اثبت المصريون فيها شجاعتهم
وهذا ليس غريبا عن شعب مصر

متابعين بإذن الله

[واسلاماة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

رااااااااااااااااااااائع
بالتوفيق
وانا بردو بتقوع انه يكون معاذ
منتظريييييييين

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

أنا بعترض على البقولو إنه السحب السيجارة هو (معاذ).. لأن عمر كان بالشارع.. بينما معاذ لم ينزل على المظاهرات..

والله أعلم أنا بقول إنه من أحد أفراد شلته.. هو اللي سحب السيجارة


بانتظار الرواية الأصلية..

[عودة حق]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بارك الله فيكى اختى ونفع بك اللهم احفظ مصر لنا

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

وفيـــــــــــــكم بارك الرحمن

وبارك الله في تخمينكم ومشاركتكم الجميلة

ولكن اللي شد السيجارة

مش معاذ

ولا أحد شلته

فكروا تاااااااااااااني

.
.
.
وممكن يكون في هدية للي هيخمن صح

.
.
.
وفقكم الله

[راجيه جوار الحبيب محمد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

رااااااااااااااااااائع
ماشاء الله لا قوة إلا بالله
فى إنتظار الحلقه القادمه بشغف
نسأل الله لكم الخير الوفير أيها الجنود المجهوله

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بخمن انه يكون الشيخ الذى كان بيكلهم

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ممكن يكون حد من الجيش؟